Aston Villa, Lyon dhe Freiburg sigurojnë kualifikimin në Europa League

Aston Villa, Olympique Lyo dhe Freiburg sigurojnë kualifikimin direkt për në 1/8 e finaleve të Europa League.

Skuadra angleze në ndeshjen e javës së parafundit të kompeticionit iu imponua Fenerbahçes në Stamboll duke e mundur me rezultatin 1-0 duke marrë këtë fitore që e ngjit në kuotën e 18 pikëve. Ishte një ndeshje që u vendos që në pjesën e parë të ndeshjes dhe protagonist për skuadrën e Unai Emery u bë pikërisht Jadon Sancho autori i golit të vetëm për Aston Villën që e shënoi në minutën e 25.

Fitore në transfertë shënoi edhe Lyon që mundi zviceranët e Young Boys me rezultatin e ngushtë 1-0 me skuadrën franceze që ashtu si Aston Villa shkon në 18 pikë por Lyon është në krye për shkak të golavarazhit. Maitland-Niles në minutat shtesë të pjesës së parë ishte ai që vulosi fitoren për skuadrën e Lyonit që në këtë mënyrë kualifikohet direkt mes 16 më të mirave të Europa League.Siguroi kualifikimin direkt për në 1/8 e finaleve edhe skuadra gjermane e Freiburg falë fitores minimale 1-0 me Maccabi Tel Aviv një sukses që u arrit falë golit të Matanoviq, transmeton TCh.

Në ndeshjet e tjera u arritën këto rezultate: Bologna-Celtic 2-2, PAOK-Betis 2-0, Feyenoord-Sturm 3-0, Malmo-Crvena Zvezda 0-1, Freiburg-Maccabi 1-0, Brann-Midtylland 3-3, Viktoria Plzen-Porto 1-1.