Ja si duket Paul pasi Joshua i theu nofullën

Jake Paul pësoi një dëmtim serioz në duelin kundër Anthony Joshua, lojtarit të peshave të rënda.

Influencuesi ndau një video në mediat sociale që tregonte se si dukej fytyra e tij pasi u nokautua në rundin e gjashtë të duelit në Majami, raporton KosovaPress.

Videoja tregon fytyrën e tij të shpërfytyruar nga goditja që mori nga Anthony Joshua, e cila e la me një nofull të thyer dyfish.

Më parë, në një paraqitje të shkurtër në podkastin “Impaulsive” të vëllait të tij Logan, të regjistruar një ditë pas duelit, Paul përshkroi gjashtë raundet në ring me boksierin britanik të peshave të rënda që e lanë me lëndime serioze.

Ai iu desh t’i nënshtrohej një ndërhyrjeje kirurgjikale për të futur katër pllaka metalike në nofullën e tij për shkak të një frakture të dyfishtë, dhe më parë u zbuloi tifozëve se kishte humbur disa dhëmbë si rezultat i procedurës.

“Ndihem sikur kam një top bejsbolli në nofullën time,” tha Paul, duke përshkruar ndjesinë e nofullës së tij të thyer.

Paul zbuloi gjithashtu se çfarë po i kalonte nëpër mendje kur Joshua goditi grepin e djathtë që i dha fund ndeshjes. “Ishte një goditje e mirë. Dua të them, nuk është aq e vështirë të durosh një rrahje.”

Sipas burimeve të shumta, Joshua dhe Paul ndanë çmimin prej 184 milionë dollarësh midis tyre, që do të thotë se secili doli nga kjo ndeshje 92 milionë dollarë më i pasur.