Shikoni videon e arrestimit të kundërshtarit të Vuçiq

Policia e regjimit të Aleksandar Vuçiq ka arrestuar Misha Baçulov, anëtar të këshillit bashkiak dhe president i grupit qytetar “Budi heroj” (Bëhu hero), raporton KosovaPress.

Media e regjimit të Vuçiq pretendon se Baçulov planifikoi të falsifikonte helmimin e tij dhe të akuzonte Vuçiq dhe udhëheqjen shtetërore për tentativë vrasjeje.

Sipas burimeve të tyre, qëllimi i inskenimit të supozuar ishte të provokonte një revoltë midis qytetarëve gjatë protestave të nesërme në Novi Sad dhe të nxiste konflikte dhe dhunë në rrugë.

Është publikuar një video e arrestimit, që tregon se arrestimi është kryer nga oficerë të policisë speciale.

Baçulov, i njohur për deklaratat e tij kritike kundër qeverisë, kishte marrë pjesë më parë në organizimin e protestave dhe veprimeve politike të opozitës në Vojvodinë. Ministria e Brendshme ende nuk i ka njoftuar zyrtarisht detajet e arrestimit.