Hansi Flick tregon nëse ka vendosur të largohet nga Barcelona

Trajneri i Barcelonës, Hansi Flick, ka hedhur poshtë raportimet se mund të largohet nga klubi në fund të sezonit.

Sipas gazetarit gjerman Florian Plettenberg, Flick është plotësisht i lumtur në Barcelonë dhe nuk ka asnjë plan për t’u larguar. Ai dëshiron të vazhdojë projektin që ka nisur dhe të çojë skuadrën në nivele më të larta.

Flick, i cili ka kontratë me klubin katalanas deri në vitin 2027, udhëhoqi Barcelonën drejt një triplete vendase në sezonin e tij të parë.

Në një konferencë për shtyp javën e kaluar, ai tha: “Jam shumë i lumtur në Barcelonë. E dua këtë klub dhe këta lojtarë. Do të jap më të mirën time për Barçën.”

Zërat për një largim të mundshëm janë quajtur të pabazë, pasi trajneri gjerman mbetet plotësisht i përkushtuar ndaj Barcelonës.

KosovaPress