Edi Rama për Enver Petrovcin: Aktor i jashtëzakonshëm

Kryeministri i Shqipërisë, Edi Rama e ka kujtuar aktorin dhe regjisorin Enver Petrovci, i cili vdiq sot në moshën 71-vjeçare.

Edi Rama ka shkruar në Facebook se vdekja e aktorit i shkaktoi keqardhje të madhe.

“Aktor i jashtëzakonshëm, njeri i dashur dhe keqardhje e madhe… Prehu në paqe Enver Petrovci”, ka shkruar Rama.

Sot, ka vdekur në moshën 71 vjeçare aktori i njohur shqiptar, Enver Petrovci.

Lajmin për vdekjen e Petrovcit e bëri të ditur vajza e tij, Hana Petrovci Fetahu.

“Babi sot dha frymën e fundit! S’po me shkruajnë duart! Ju njoftojmë së shpejti për varrimin”, shkruan Fetahu.

Ai luajti Hamletin, Makbethin, Jul Cezarin dhe personazhe të tjerë të famshëm shekspirianë. Ai është një nga themeluesit e Teatrit Dodona dhe Shkollës së Aktrimit në Prishtinë.

https://kosovapress.com/raportohet-se-ka-vdekur-aktori-i-njohur-enver-petrovci