​Hapet pika e kalimit kufitar në Aeroportin Ndërkombëtar të Vlorës

Qeveria e Shqipërisë e ka miratuar hapjen zyrtare të pikës së kalimit kufitar në Aeroportin Ndërkombëtar të Vlorës (VIA), duke i çelur rrugën qarkullimit ajror ndërkombëtar të udhëtarëve vendas dhe të huaj përmes kësaj porte të re ajrore.

Ky vendim i 16 korrikut vjen si vazhdimësi e përgatitjeve intensive për operacionalizimin e aeroportit dhe pason fluturimin e parë certifikues të realizuar më 8 maj 2025, një moment kyç që dëshmoi gatishmërinë e tij për të mirëpritur linjat ajrore ndërkombëtare.

Aeroporti i Vlorës, një nga investimet më strategjike për zhvillimin ekonomik dhe turistik të vendit, pritet të kthehet në një pikë të rëndësishme hyrëse për Shqipërinë, veçanërisht për rajonin jugor.

Me një vendndodhje ideale, më pak se një orë larg destinacioneve më të njohura turistike dhe qyteteve bregdetare, ai synon të tërheqë mijëra vizitorë çdo vit dhe të nxisë investimet e huaja direkte, shkruan Atsh.

Hapja e pikës kufitare pritet ta kthejë Jugun e Shqipërisë në një qendër të vërtetë të turizmit mesdhetar.

https://kosovapress.com/realizohet-fluturimi-i-pare-certifikues-ne-aeroportin-nderkombetar-te-vlores