​Formula 1 fillon një epokë të re, ndërsa titulli i Lando Norris rrezikohet

Formula 1 hap sezonin 2026 këtë javë me Lando Norris duke u përpjekur të mbrojë titullin e tij botëror, por rregullat mund të sjellin një kampionat krejt tjetër dhe të papritur në Australian Grand Prix në Melbourne. 

Sezona e 2026-shit shënon ndryshime teknike të thella nga motorët dhe strukturat e makinave deri te mënyra e drejtimit. Fuqia elektrike tani përbën rreth 50 % të motorit, me rëndësi të madhe në menaxhimin e baterisë gjatë garës.

Norris, që fitoi titullin e parë botëror në fund të sezonit të kaluar, tani ballafaqohet me konkurrencë të fortë. Pas një sezoni 2025 të ngushtë ku ai triumfoi mbi rivalë si Max Verstappen dhe Oscar Piastri, shumë ekspertë presin një garë më të hapur në 2026-shën. 

Fusha garuese është zgjeruar në 22 makina duke hyrë në kampionat me pilotë me përvojë si Valtteri Bottas dhe Sergio Perez. Ndërkohë Ferrari, Mercedes dhe Red Bull kërkojnë të shfrytëzojnë makinat e reja dhe të shfaqin fuqinë e tyre. 

Me rregullime të mëdha teknike dhe konkurrencë të ngushtë, Garat e Para në Melbourne do të jenë një test i vërtetë për kampionët. Rregullat e reja dhe miksi i pilotëve veteranë dhe të rinj krijojnë një garë me shumë mundësi dhe pak siguri për fituesin

KosovaPress